一般般啦<br/><極悍巨鯊>The Meg一般般啦
<極悍巨鯊>The Meg
57100

一般般啦
<極悍巨鯊>The Meg

觀後感:

這套<極悍巨鯊>好就一定唔係好,但又未去到不堪入目的難看地步,起碼比我預期多巨鯊場面,如果不針對誇張情節及不合常理得連小學雞都知無可能發生的失實情況下,單憑娛樂性這套都勉強可以一看.

這套與中國大陸合拍的美國電影,當然離不開會有些亞洲演員來助喊吶威,今次就有趙文瑄及李冰冰(幾驚又係黃曉明及景甜),感覺雖仍不太自然,但起碼都叫順眼,在加上有我喜歡的Jason Statham,就算明知電影都不會有什麼驚喜可言都仍有吸引我的地方,更何況這類型電影不嬲都是我杯茶.

沙灘的一場戲,究竟係亞洲人多不懂游泳還是慣性喜用水泡浮下浮下?何解一望個海全部都是彩色冬甩?而電影有中國大陸投資,但點解個實驗室咁流咁細?十足十電視片場,仲要搵條友扮有料來對此實驗室規模作上驚嘆表情,見到真係想單音爆粗.