睇演員及動作好了<br/><禁室365天>365 Dni睇演員及動作好了
<禁室365天>365 Dni
57100

睇演員及動作好了
<禁室365天>365 Dni

觀後感:

確實係波蘭版<格雷的五十道色戒>Fifty Shades Of Grey,但呢套<禁室365天>故事就比<格>片更令人尷尬及恥笑.

如果你不是男主角般有型有錢有勢而又選中個放蕩女主角的話,都咪學人家玩禁室培慾,而且身為黑幫大佬就咪癲到帶女周圍走啦,真係未死過咩?唔好以為試過在死亡邊緣綺夢上腦見女神就以為係守護天使咁天真.所以看著型到爆燈的男主角好認真咁演繹黑幫大佬但又做些智障到離罩的行為時,真係令我無言兼汗顏.而女主角俾人禁錮得咁鎮定,就明顯知道自己有本錢,所以以為可與男主角鬥智鬥力大殺四方,點知原來最終都只係鬥力…因此看這套電影真係唔好理會故事內容,睇演員及動作已經足夠.

而動作場面,這套質量及大膽程度絕不遜色過<格>片,所以如果你睇<格>片都會熱血沸騰的話,看這套應該會令你興奮滲液.而演員方面,男女主角Michele Morrone及Anna Maria Sieklucka顏值都高,尤其男主角,樣貌及身型完全係雕像級數.不過整體來說,我會覺<格雷的五十道色戒>中的Jamie Dornan及Dakota Johnson較吸引,可能就是非十全十美反而更有親切及投入感.

從<格雷的五十道色戒>到<禁室365天>,女人真的對壞男人情有獨鍾,看這兩套電影的原著小說作家都是女人就略知一二了.