貪狼 – 殺破狼貪狼 – 殺破狼
79100

貪狼 – 殺破狼

好耐冇見,我搏咀王好少寫文,一向極少睇港產片,一套電影兩個鐘,要搵都搵套穩陣d 黎睇啦。

今次呢套貪狼我就睇首映嘅,入場前同你睇呢篇文一樣,沒甚大期望,有咩未睇過丫! 啱啱先睇完 Dunkirk …又有大場面..講人性道德…一個字! 好睇!

而貪狼呢…未入場睇就知,今次係話救個女嘅..套戲一開始以為會有排舖條感情線令人投入啲一齊去救女…點知又唔係舖咗好耐就話出發咯喎… 古天樂個表情就由呢度開始就一直繃緊,可能係古天樂嘅表情交到貨嘅關係,又真係令人好快投入到個劇情,有想追落去睇嘅感覺,睇睇下會有個疑問…點解古天樂今次好似同以前唔同咗咁,以前做戲好似冇咁似做緊戲架喎,不論演技連打都好打咗,仲打得有型唔係扮果種。好多人話見到好多替身,替身一定有,你話冇就真天真假天真,就咁睇就唔覺替身出得好明顯,剪接做得好。

Tony Jaa 打得就係人都知,以前就睇得太多,今次就係嫌佢打得少,打得好好睇,Tony Jaa!! Tony Jaa!! 你點解咁早….嗚…嗚….
仲有一個叫吳樾嘅演員,我睇戲太少,聽講佢好打得,今次都睇到佢堅好打,但男人味重過古天樂好多,一句講晒會叫佢做大哥果種。

一套戲係唔應該focus 演員太多,好講番套戲有咩值得睇先!
電影節奏好流暢爽快,以前嘅殺破狼都會又一種血腥味濃,打得嚟會感覺殘忍,今次可能因為冇咗個女嘅同理心一早建立起來,好快已經投入到果個咬牙切齒嘅情緒,打都覺得要狠狠地打,打得有價值!好似有個影評講得幾好,"畫面呈現的是血花,觀眾看到的是人情" 十分認同這個感受,故事發展不是甚麼曲折離奇,但給畫面一直拉著心走…

睇一套戲好多時我想是娛樂自己,想睇完會開心d ,但睇完此片,心情不太好的離開,但這心情不是戲唔好,戲很好,打很精彩,我也動容了,這套應該可以成為是葉偉信一大代表作吧!畫面氣氛色調沒有太多的調味,是真材實料,聲畫呈現出劇力,是一煲老火湯!

這套的殺破狼值得一看! 有荷里活電影水準,但荷里活打唔到咁好睇囉..