出貓冇得衰,睇下抄足幾多句!<br /><出貓特攻隊>出貓冇得衰,睇下抄足幾多句!
<出貓特攻隊>
86100

出貓冇得衰,睇下抄足幾多句!
<出貓特攻隊>

7n_badgeniusbasedtrueevents00

呢套出貓特攻隊都係睇影評高分才入場嘅!淨係睇poster 同個造型本來以為係職業出貓果種,心諗應該有好多出貓嘅奇怪招數,學番一招幾式留番第時個仔女黎旁身用(我知你想講我咁樣點做人家長丫ma…得啦…生得出先再鬧好冇?) 。 大家都知泰國人d 笑料係幾咁高超,淨係睇 facebook 果個泰國清邁象 都可以笑到下巴都甩,仲話呢套係咩 no.1 賣座億萬片王 ( 泰珠定咩先…) ,一於入場睇下!

邊個導演或者演員 講左你都唔會知 ..但都找咗d 資料嘅 Nattawut Poonpiriy 。 IMDB link 。

badgenius-1

呢套劇特別當然係個題材特別,出貓! 以為可以睇到好多出貓出招,笑番餐,原來呢套劇係有故事架喎,劇情就唔係咩峰迴路轉,幾欣賞個編排,由女主角只是一個高材生出發慢慢變成"槍手" ,佢嘅演技不錯啊! 令個角色非常的鮮明,你一睇佢表情就知佢心情係點,佢真係個真名Chutimon Chuengcharoensukying 係講咗你都唔識讀又唔會記得,可能佢真人個記性都真係幾唔錯,一出世由記住自己個名已經係一個挑戰!

bad4 BadGenius

電影將好多課室出貓嘅緊張剎那拍得非常好看,觀眾都會一齊緊張,成個氣氛就好似逃獄咁,不同的只是用鉛筆取代了槍,令成個過程變得緊張得黎又大家睇得輕鬆,故事由輕輕的中學考試慢慢發展到要考嚴緊嘅國際考試,當中各人間嘅感情也刻劃得幾細緻,出貓嘅過程又出現種種危機,大家都會為主角點去拆彈而看得血脈沸騰!大呼過癮!

雖然睇完套戲袋唔到咩出貓絕招留比我d 仔女,但呢套戲都令我會心微笑咁離開戲院。難得的題材,拍得如此精彩! 必看!